वाडवळ मटण / चिकन कृती Vaadval Mutton / Chicken recipe

मटण/ चिकन म्हणजे आमचा आवडतं अन्न. आठवड्यातून एकदा तरी शुक्रवारी किंवा रविवारी मटण/चिकन असतेच आमच्याकडे. मम्मी 'पपा इतके साग्र संगीत जेवण बनवायचे कि तुम्ही नाही म्हणूच शकत नाहीत.

तर हि खास माझया मम्मी 'पपा च्या हाताची मटण / चिकन रस्सा रेसिपी पद्धत.

वाटण :

एक किलो मटण असेल तर तीन मोठे कांदे बारीक चिरून, सुके खोबरे पाव वाटी , 7/8 काळीमिरी, 1 दालचिनी तुकडा, एक जावेत्री छोटीशी, 1 दगडफूल, 15/20 दाणे धनिया (धना ) , लाल बेडग्या मिरच्या सुक्या 2 ( याने रंग येतो छान लाल आणि ह्या तिखट नसतात ) शहाजिरे थोडेसे हे सर्व छान लालसर भाजून घ्यावे आणि वाटण वाटून घ्यावे. ( काही लोके यात खसखस पण टाकतात पण ती गरम पडते म्हणून मम्मी 'पपा नाही टाकायचे )

रेसिपी:

• एक चिरलेला कांदा , 4 लसूण पाकळ्या आणि एक इंचाचा आले तुकडा ग्रेटर वर खिसुन 2 पळी तेलात टाकावं आणि परतून घ्यावे. त्यात अर्धा चमचा हळद टाकावी. मग थोडे मीठ टाकून कांदा मी मऊ तळला /शिजला कि त्यात मटणाचे / चिकनचे आणि बटाट्याचे तुकडे टाकावेत. थोडेसे परतावे.

• मग त्यात चार चहाचे चमचे "वाडवळ मसाला" टाकावा. ( वाडवळ लाल मिक्स मसाला - ह्याची ह्या विभागात रेसिपी दिलेली आहे)

• हे सर्व नीट परतून घेऊन त्यावर झाकण लावावे. झाकणात पाणी ठेवावे.

• दहा मिनिट्स नंतर झाकण उघडून पुन्हा सर्व एकत्र करून घ्यावे आणि छान वास सुटलेला असतो ठेवा त्यात वरील वाटण टाकावे.

• नीट ढवळून घेऊन त्यावर पुन्हा झाकण ठेवून त्यात पाणी ठेवावे. पाच मिनिट्स वाफ आली कि झाकणावरील पाणी आत टाकावे आणि पेलाभर पाणी टाकावे.

• रस्सा किती जाडा पातळ हवा त्या प्रमाणे तुम्ही पाणी कमी जास्त टाकू शकता. चवीनुसार मीठ टाकावे.

• मग पुन्हा झाकण ठेवून त्यात पाणी टाकून निदान 20 मिनिट्स किंवा मटण/ चिकन , बटाटा शिजेपर्यंत शिजवावे.

• झाले कि वरून मूठभर कोथिंबीर टाकावी.

हा रस्सा एकदम भन्नाट लागतो भाकरी / ब्रेड / भात / चपाती कशाहीबरोबर.